Liverpooli ka nxjerrë në shitje një vilë me vlerë rreth pesë milionë euro, ku Jurgen Klopp ka jetuar më parë pasi pasardhësi i tij Arne Slot refuzoi të transferohej në të njëjtën shtëpi.
Slot e nisi shumë mirë punën e paraardhësit të tij pasi ambientimi ndodhi lehtë dhe shpejt ku Liverpooli aktualisht është i dyti në tabelën e Ligës Premier, por duket se ai nuk është plotësisht i gatshëm të imitojë menaxherin gjerman pasi ai refuzoi të hyjë në shtëpinë ku dikur jetonte Klopp.
Siç shkruajnë mediat në Angli, Liverpool i dhuroi Arne Slotit dhe gruas së tij Mirjam shtëpinë ku jetonte Jurgen Klopp dhe kishin planifikuar që edhe holandezi të transferohej atje, gjë që Slot e refuzoi.
Tani Liverpooli ka vendosur t’i japë fund marrëdhënies së tyre 20-vjeçare me shtëpinë dhe e ka nxjerrë atë në shitje në mënyrë që të sigurojë flukse parash shtesë.
“Klubi e ka identifikuar këtë shtëpi si një bazë ideale për menaxherët e tyre. Arne iu ofrua kur mori përsipër punën te The Reds këtë verë, por ai zgjodhi të jetonte diku tjetër dhe si rezultat, Liverpool vendosi të shkurtojë kostot dhe të vendosë shtëpinë në shitje”, tha një burim i The Sun.
Vila ka tre dhoma ndenjeje, shtatë dhoma gjumi, një kinema në shtëpi, një pishinë të brendshme, një kopsht të rregulluar dhe ndodhet në një nga rrugët më të shtrenjta në Liverpool, Victoria Road, e cila shpesh quhet “Rreshti i milionerëve”.
Liverpooli e bleu vilën nga ish-menaxheri Brendan Rodgers, i cili më parë e kishte blerë nga ish-kapiteni i Reds, Steven Gerrard.
Rodgers u shkarkua në tetor 2015, por e mbajti pronën dhe ia dha me qira Kloppit vetëm që klubi të blinte vilën nga ish-menaxheri katër vjet më vonë dhe të lejonte menaxherin gjerman të qëndronte në të pa qira.
Klopp jetoi në të me gruan e tij Ulla deri në largimin e tij nga Anfield Road në fillim të këtij viti. /Telegrafi/