Siç njoftoi kryeministri i Sllovakisë, Eduard Heger përmes llogarisë zyrtare në Twitter, Sllovakia ka dërguar një sistem kundërajror S-300 në Ukrainë.
Heger theksoi se ukrainasit po mbrojnë me guxim shtetin e tyre sovran, por edhe Sllovakinë, dhe se është detyrë e tyre të ndihmojnë dhe të mos injorojnë humbjet e jetëve njerëzore për shkak të pushtimit rus.
I would like to confirm that #Slovakia has provided #Ukraine with an air-defence system S-300. #Ukrainian nation is #bravely defending its sovereign country and us too. It is our duty to help, not to stay put and be ignorant to the loss of human lives under #Russia’s agression.
— Eduard Heger (@eduardheger) April 8, 2022
Në rrjetet sociale janë shfaqur pamjet që tregojnë lokomotivat e trenave që transportojnë këtë sistem kundërajror në Ukrainë.
Dorëzimi i sistemit S-300 është dorëzimi i parë i një sistemi të mbrojtjes ajrore me rreze të gjatë në Ukrainë që nga fillimi i luftës. Ukraina ka kërkuar vazhdimisht nga Shtetet e Bashkuara dhe vendet evropiane që të ofrojnë këtë lloj ndihme.
BREAKING NEWS:
Slovakia has now delivered its S-300 long-range SAM missile defense system to UA!
Slovak media confirmed the news 1h ago via @visegrad24 pic.twitter.com/IBLqdynwEX
— AlexandruC4 (@AlexandruC4) April 8, 2022
S-300 është një sistem i mbrojtjes ajrore i zhvilluar në Bashkimin Sovjetik, por ende konsiderohet një armë jashtëzakonisht e fuqishme në mbrojtjen ajrore. Sllovakia zotëronte një bateri të këtij sistemi në variantin S-300PMU me 45 raketa.
Avantazhi për Ukrainën është se ata tashmë kanë sisteme të këtij lloji dhe kanë personel të trajnuar për përdorimin e tij. /Telegrafi/
