Organizatorët e mbledhjes së fondeve thonë se shumë sllovakë e kundërshtojnë qëndrimin pro-rus të qeverisë së tyre.
Bëhet e ditur se mbi 4 milionë euro u mblodhën nga sllovakët në muajin e fundit për të siguruar armë për ushtrinë ukrainase.
Nisma ‘Municion për Ukrainën’ filloi në mes të prillit dhe mblodhi rreth 67,000 donacione brenda një muaji, shkruan euronews, përcjell Telegrafi.
Nisma vjen pasi Ministri i Jashtëm, Juraj Blanar, njoftoi se Sllovakia nuk do të dërgonte armë në Ukrainë sepse “nuk ka zgjidhje ushtarake për luftën”.
Sipas organizatorëve të nismës për të dhuruar para për blerjet e municioneve, shumë prej tyre nuk pajtohen me qëndrimin pro-rus të qeverisë, duke çuar në mbështetje të gjerë për kauzën e tyre.
Siç thekson Lucia Stasselova, një nga organizatoret kryesore të nismës, ideja erdhi nga një fotoreporter dhe kreu i rrjetit Open Society.
“Qeveria nuk është e gatshme të ndihmojë, por njerëzit që jetojnë në Sllovaki duan të ndihmojnë”, tha Stasselova. /Telegrafi/