Mbrojtësi i Interit, Milan Skriniar, ka komentuar suksesin kundër Hellas Veronës, ku skuadra zikalër e fitoi me rezultat 3-0.
Sllovaku ka folur edhe për ndeshjen e ardhshme ndaj Milanit dhe i ka siguruar tifozët se do të japin maksimumin.
“Kemi zhbllokuar shpejt ndeshjen dhe pastaj çdo gjë ishte më e lehtë. Kemi qenë më të koncentruar gjatë gjithë takimit dhe kështu kemi pasur raste për gol, ishte një fitore mjaft e mirë”.
“Ne gjithmonë shikojmë para, ky është edhe qëllimi ynë. Në derbi duhet të japim më të mirë, shpresoj në një fitore”.
“Duhet të japim maksimumin për tifozët tonë, të cilët i falënderojmë për pranin e tyre”, ka thënë Skriniar për Inter TV.
Skriniar me paraqitjet e tij ka befasuar të gjithë dhe në verë pritet të ketë shumë oferta nga klubet e mëdha evropiane drejt tij.
Por, në rast se Interi arrin të jetë në Ligën e Kampionëve për sezonin e ri, vështirë se ai do largohet nga Milano. /Telegrafi/
https://www.youtube.com/watch?v=eoSsc0MmaPU