Tema kryesore te Interi vazhdon të jetë ajo e qendërmbrojtësit sllovak Milan Skriniar.
Mbrojtësi qendror është një nga pikat më të forta të Interit viteve të fundit dhe padyshim një nga mbrojtësit më të mirë në Evropë.
Por kontrata e tij me Interin skadon në fund të sezonit dhe ai qysh tani është i lirë të bisedoj edhe me klube të tjera.
Te Interi po tentojnë me çdo kusht ta blindojnë yllin e tyre me kontratë të re, por një marrëveshje mes palëve vazhdon të jetë ende larg.
27-vjeçari përpos që është në bisedime me Interin, po shqyrton edhe ofertat e tjera.
Paris Saint Germain vazhdon të jetë favoriti kryesor për t’i siguruar shërbimet e sllovakut, pasi gjiganti francez edhe verën e vitit të kaluar kërkoi me ngulm transferimin e tij.
Kampioni në fuqi i Francës është gati t’i ofrojë kontratë prej rreth 10 milionë euro në vit, që është më e lartë se ajo që i ofron Interit.
Gjithsesi në garë për sllovakun janë edhe skuadra tjera të mëdha si Real Madrid, Barcelona, Manchester City e Manchester United. /Telegrafi/