Rusia duket se synon Kharkivin tani, ku situata është “shumë e tensionuar”, ka thënë një deputete ukrainase për Sky News.
Kira Rudik tha se “rreziqet janë të larta” dhe Rusia ka mbledhur trupa dhe burime të mjaftueshme për të rritur gjatësinë e vijës së saj të frontit, përcjell Telegrafi.
Ajo tha se forcat ruse dukej se synonin si rajonin e Kharkivit, ashtu edhe qytetin – dhe bombardimet ajrore të zonës ishin shtuar.
E pyetur nëse Ukraina duhet të fokusohet në mbrojtjen e rajonit verilindor mbi lindjen, ajo shtoi: “Strategjia e Rusisë tani është të shpërqendrojë vëmendjen tonë dhe të rrisë frontin, kështu që ne do të duhet të zgjedhim atë që është më e rëndësishme për t’u mbrojtur”.
“Por nuk mund të thuash se disa njerëz janë më të rëndësishëm se të tjerët”.
“Ne do të duhet të grumbullojmë forcat tona për t’u përballur me këtë”. /Telegrafi/