Kundërzbulimi i ushtrisë ukrainase, ka njoftuar se forcat ruse kanë vendosur në kulmin e centralit bërthamor Zaporizhzhia pajisje ushtarake.
Siç raporton Kyiv Independent duke u thirrur në burime brenda kundërzbulimit ushtarak dhe ministrisë së Mbrojtjes, rusët në kulmin e centralit më të madh bërthamor në Evropë, kanë vendosur pajisje ushtarake për t’ju kundërvënë ukrainasve që po i vëzhgojnë nga ajri, transmeton Telegrafi.
Forcat ruse kujtojmë që kanë pushtuar centralin bërthamor Zaporizhzhia, në ditët e para të luftës në Ukrainë.
Në anën tjetër Ukraina dhe Rusia vazhdimisht akuzojnë njëra-tjetrën për granatime në këtë rajon, që një incident më i vogël do të mund të sillte një katastrofë tjetër bërthamore.
Megjithatë, imazhet satelitore e kanë dëshmuar në disa raste se ka pasur granatime në afërsi të këtij centrali bërthamor, që u inspektua muajin e kaluar nga ekspertët e Kombeve të Bashkuara.
E ukrainasit vazhdimisht kanë kërkuar që rusët të largohen nga kjo zonë, dhe të mos e shfrytëzojnë centralin bërthamor si mburojë duke e shantazhuar tërë Evropën. /Telegrafi/
⚡️Intelligence: Russian troops install military equipment on Zaporizhzhia power plant’s rooftop.
According to the Defense Ministry’s Intelligence Directorate, Russia set up the equipment on the rooftop of the fifth power unit to combat aerial reconnaissance.
— The Kyiv Independent (@KyivIndependent) November 1, 2022