Trajneri i Atletico Madridit, Diego Simeone, ka thënë se Manchester City është një klub që nuk ka histori.
Në një intervistë për La Nacion, trajneri argjentinas ka krahasuar modelin e Citizens me atë të klubeve të mëdha si, Ajax, Barcelona dhe Real Madrid.
Duke folur për kampionin e Ligës Premier, Simeone ka thënë se Citiznes kanë mungesë të historisë dhe se Pep Guardiola i ka dërguar ata në një nivel tjetër.
“Kur një trajner (Guardiola) i mirë arrin te një klub që nuk ka histori, atëherë aty fillon historia”, ka thënë fillimisht Simeone.
“Nëse ne nuk e kuptojmë atë, atëherë kemi probleme me të kaluarën tonë, por nuk mund të ketë probleme me të kaluarën, kur ju nuk keni histori, ashtu është City”.
“Në momentet që ju pranoni të bëheni pjesë e një klubi, gjëja më e mirë që mund të bëni dhe më e respektueshmja: Cila është historia e këtij klubi?”, ka shtuar më tej argjentinasi. /Telegrafi/