Diego Simeone dhe i biri i tij, Giovanni pritet të jenë së bashku edhe në botën e futbollit.
Talenti argjentinas ka shkëlqyer këtë edicion me Genoan në Serie A duke shënuar gola të rëndësishëm.
Kjo ka bërë që Atletico Madrid ta vëzhgoi nga afër të birin e Simeones dhe kërkon transferimin e tij në verë.
Në 26 ndeshje këtë edicion me Genoan, Simeone ka shënuar 11 gola dhe ka dhuruar dy asistime.
21-vjeçari është ndjekur nga agjentët e skuadrës spanjolle në dy takime këtë edicion në Serie A.
Gjithsesi Genoa e vlerësonë shumë yllin e tyre dhe kërkon të fitojë sa më shumë para.
Sipas mediave italiane, klubi gjenovez kërkon së paku 25 milionë euro nga shitja e Simeones.
Në rast transferimi në Atletico, Diego Simeone do ta ketë nën urdhrat e tij të birin edhe në fushë. /Telegrafi/