Robert Lewandowski arriti të mposht Lionel Messin dhe Mohamed Salahun për çmimin “The Best” që dhurohet nga FIFA.
Sulmuesi polak e pranoi zyrtarisht çmimin të hëna mbrëma (sot) nga shtëpia e futbollit botëror, e që votat u dhanë nga kapitenë, trajnerë të përfaqësuesve.
Por, si votuan Etrit Berisha dhe Edoardo Reja nga Shqipëria dhe Samir Ujkani e Primoz Gliha nga Kosova?
Trajneri i përkohshëm i Dardanëve votën maksimale e kishte për Lewandowskin, e pas tij i renditi Karim Benzeman dhe Jorginhon.
Për dallim nga Gliha, Ujkani po ashtu e kishte polakun në vend të parë, mirëpo votoi më pas për Salahun dhe Messin.
Reja ia dha pikë maksimale bashkëkombasit të tij, Jorginho, e më pas erdhën Lewandowski e Messi.
Berisha si kapiten i Shqipërisë votoi për Messin, e më pas për ploakun dhe Erling Haalandin. /Telegrafi/
