VAR’i është kritikuar shumë në edicionin e parë në Ligën Premier, me disa vendime kontroverse.
Përfshirja e Video Asistentit të Gjyqtarit nuk është mirëpritur në Angli, pasi shumë skuadra kanë pësuar nga gabimet.
Daily Mail ka arritur të përmbledhë vendimet që janë bërë nga VAR-i e që po mos të ishte, tabela do të dukej më ndryshe.
Liverpooli do të vazhdonte të ishte lider, mirëpo me pesë pikë më pak, ndërsa Manchester City do të kishte gjashtë më shumë.
Wolverhampton Wanderers do të ishin në vendin e tretë me shtatë pikë më shumë, derisa Chelsea do të kishte një pikë më shumë në vendin e katërt.
Manchester United do të qëndronte në pozitën e pestë të ndjekur nga Leicesteri me një pikë më pak.
Arsenali do të qëndronte në vendin e tetë dhe jo në të dhjetin ku gjendet aktualisht, derisa aty do të ishte Tottenhamit me minus shtatë pikë më pak. /Telegrafi/
