Kryeministrja britanike Theresa May pati një konfrontim të jashtëzakonshëm me Jean-Claude Juncker sot pasi krerët e BE hodhën poshtë kërkesën e saj për më shumë koncesione.
Sipas mediave britanike, përcjell Telegrafi, kryeministrja May – duke përdorur çantën e saj – u pa e bllokuar në një ndalesë të tensionuar me shefin e Komisionit Evropian, ndërsa dita e dytë e samitit filloi në Bruksel.
Megjithëse zëri ishte i fikur, kamerat televizive kapën çiftin duke shkëmbyer atë që dukej si fjalë të nxehta për të paktën një minutë.
Dhe siç thuhet tutje, sipas lexuesve të buzëve May i tha atij: ‘Ju më keni quajtur të paqartë. Po ti e bëre!’
Juncker, i cili kishte një dorë në krahun e zonjës May, dukej sikur po përpiqej të qetësonte zemërimin e saj duke mohuar të ketë bërë shaka.
Ndërsa duke folur në një konferencë shtypi në fund të samitit këtë pasdite, kryeministrja May ka pranuar se kishin një shkëmbim “të ashpër” fjalësh.
Ajo tha se ishte “e qartë si kristali” me udhëheqësit e tjerë në lidhje me atë që ajo duhej të fitonte mbështetje për marrëveshjen e Brexit. /Telegrafi/
