Shmangia nga drita e diellit mund të përmirësojë pigmentimin, por personat me psoriazë kanë dobi nga ekspozimi në diell
Me arritjen e ditëve të para të ngrohta dhe me arritjen e sezonit të verës ju bombardojnë me udhëzime se si ta mbroni lëkurën nga rrezet e dëmshme të diellit. Mbuloni fytyrën me kapele të madhe kashte dhe syze dielli dhe nuk harroni që vazhdimisht ta lyeni me krem për rrezitje me faktorin mbrojtës, transmeton Telegrafi.
Mirëpo, si të veproni kur shumicën e ditës, madje edhe të javës e kaloni brenda katër mureve? Si ndikon ajo në lëkurën tuaj?
Për t’iu përgjigjur këtyre pyetjeve, Harper‘s Bazar ka biseduar me mjeken Michelle Squire dhe drejtoreshën e Klinikës “Skin Education at Dermalogica”, Emma Hobson.
Ekspozimi më pak i diellit zakonisht nënkupton gjëra të mira
Duke u bazuar në studimin nga viti 2015, Squire thekson që shmangia nga drita e diellit mund të përmirësojë pigmentimin dhe të zvogëlojë dukjen e rrudhave, mirëpo edhe pengon dëmtimet e ardhshme të lëkurës.
Të vetmit persona të cilët mund të përballojnë dëmtimin për shkak të ekspozimit në diell janë ata me psoriazë.
“Personat me psoriazë kanë dobi nga ekspozimi në diell, andaj tek ata mund të ndikojë qëndrimi i gjatë në ambient të mbyllur”, sqaron Squire.
– Marrja e dozave të para të dritës së diellit është ka shumë rëndësi, andaj do të duhej të kërkonit këshillë nga dermatologu juaj, ka shtuar ajo.
Merrni vitaminën D në doza
“Lëkura duhet të jetë e ekspozuar ndaj dritës UVB (5 – 10 minuta në ditë) për të krijuar vitaminën D, të domosdoshme për shëndetin e eshtrave dhe të muskujve”, konstaton mjekja Squire.
Meqenëse rrezatimi UVB është pothuajse tërësisht i bllokuar me xham, shëtitja e shpejtë në oborr apo kënaqja në diell në tarracë herët në mëngjes dhe pasdite vonë janë të mjaftueshme për plotësimin e nevojave tuaja me UVB”, ka shtuar ajo.
Mirëpo, është shumë pak e sigurt që do të plotësoni mungesën e vitaminës D, edhe pse Hobson thotë që, nëse jeni posaçërisht të brengosura, mund të bisedoni me mjekun tuaj për plotësimin me vitaminë D.
Bëhuni të vetëdijshëm për dritën e kaltër
Edhe pse rrezatimin UVB mund ta bllokojë xhami, ekzistojnë edhe forma të tjera të dëmshme të dritës, nga të cilat lëkurën duhet mbrojtur.
“Nëse punoni në shtëpi para ekranit të kompjuterit apo pranë dritares, mos harroni të përdorni kremin me faktorin 30 – 50, në mënyrë që të mbroni lëkurën nga drita e kaltër dhe rrezet UVA, të cilat ende mund të depërtojnë nëpër xham, këshillon Hobson.
Gjithashtu në kompjuterin tuaj duhet programuar dritën e verdhë, ndërkaq të dy këto mjeke pajtohen që është me rëndësi që të hiqni dorë nga rutina e mëngjesit dhe e mbrëmjes për kurën e lëkurës. /Telegrafi/