Thomas Tuchel është emëruar trajneri i ri i Bayern Munich pas shkarkimit të Julian Nagelsmann.
Ish-trajneri i Chelseat do të trashëgojë një nga skuadrat më të forta të Evropës, por ai do të pritet të vendosë përfundimisht filozofinë e tij të lojës në këtë verë.
Me këtë në mendje, SunSport ka hedhur një vështrim se si Tuchel mund të rreshtojë skuadrën e tij në Bayern Munich.
Gjermani kishte favorit të veçantë te Chelsea, anda edhe mund të tentojë t’i marrë disa prej tyre.
Mason Mount është një yll i tillë dhe rrjedhimisht mund të nënshkruhet nga Tuchel për mesfushën e tij të Bayernit.
Me Thomas Mullerin tani 33 vjeç – jo se ai po tregon shenja të ngadalësimit – mund të nevojitet një zëvendësim afatgjatë në mesfushën sulmuese.
Harry Kane është gjithashtu një objektiv afatgjatë i Bayernit dhe gjithashtu mund të nënshkruhet së bashku me anglezin.
Joao Cancelo gjithashtu mund të qëndrojë në një marrëveshje të përhershme për të përfunduar një hat-trick të nënshkrimeve nga Liga Premier.
Një vështrim tjetër i një skuadre të Bayernit nën drejtimin e Tuchel mund të shohë një sulm të madh nënshkrimesh te ish-klubi, Chelsea.
Anësori Christian Pulisic është lidhur shumë me një largim nga Stamford Bridge dhe më parë ka luajtur në Bundesligë.
Pierre-Emerick Aubameyang është vendosur të largohet nga klubi pasi është jashtë planeve të Chelseat dhe Tuchel mund të tentojë ta marrë atë si transferim të lirë.
Gjermani po ashtu mund të synojë edhe Neymarin, që pritet të largohet nga PSG në verën e këtij vitit. /Telegrafi/
