Romelu Lukaku duket se nuk do të mund të debutojë te Interi në ndeshjen e parë që fillon në javën e ardhshme shkaku i mbipeshës.
Gjiganti nga Serie A e transferoi sulmuesin belg nga Manchester United në këtë afat kalimtar, ndërsa lojtari po punon që të rikthehet në formë.
Ai solli një paraqitje fantastike në miqësore e zhvilluar ndaj skuadrës nga Serie D, Virtus Bergamo, duke shënuar katër gola.
Por, tifozët e Nerazzurëve dhe Antonio Conte duhet të presin pak më gjatë për debutimin e Lukakut, pasi pushimet i kanë shtuar më shumë peshë.
Interi në ndeshjen hapëse të sezonit të ri do të përballet me Leccen, mirëpo belgut atë ndeshje do ta shikojë nga tribunat.
Lukaku kaloi në Giuseppe Meazza për shumën e 80 milionë eurove e që do të jetë sulmuesi kryesor i skuadrës italiane. /Telegrafi/