Shtetet e Bashkuara po mbyllin përkohësisht ambasadën amerikane në Kiev – duke e zhvendosur në Lviv, qytet në perëndim të Ukrainës, kjo pas tensionimit më të madh të situatës, ka njoftuar Sekretari amerikan i Shtetit, Anthony Blinken, shkruan CNN.
“Kam urdhëruar këto masa për një arsye – sigurinë e personelit tonë – dhe fuqishëm bëjë thirrje që të gjithë shtetasit amerikanë në Ukrainë të largohen nga ai vend”, ka shtuar Blinken, transmeton Telegrafi.
“Këto masa për asnjë moment nuk e zbehin përkrahjen tonë apo përkushtimin ndaj Ukrainës. Përkushtimi ynë për sovranitet dhe integritet territorial të Ukrainës është i padiskutueshëm”, tha ndër tjera Sekretari amerikan.
“Po vazhdojmë përpjekjet tona të sinqerta të arrijmë një zgjidhje diplomatike dhe mbetemi të përkushtuar. Rruga për diplomaci mbetet e hapur nëse Rusia vendosë të angazhohet me një qëllim të mirë”, tha për fund Blinken. /Telegrafi/
We are in the process of temporarily relocating Embassy operations from Kyiv to Lviv due to the dramatic acceleration in the buildup of Russian forces. The Embassy will remain engaged with the Ukrainian govt, coordinating diplomatic engagement in Ukraine. https://t.co/FgT5I9vYih
— U.S. Embassy Kyiv (@USEmbassyKyiv) February 14, 2022