Në “Elbasan Arena” sot (e mërkurë) zhvillohet ndeshja miqësore ndërmjet Shqipërisë dhe Kosovës në futboll.
E quajtur si një vëllazërore, kjo sfidë do t’u shërbejë dy skuadrave si përgatitje para dy ndeshjeve tjera të nëntorit që i zhvillojnë në kuadër të Ligës së Kombeve.
Pas takimit ndaj Kuqezinjve, Dardanët luajnë në garën evropiane kundër Sllovenisë (më 15 nëntor) dhe pastaj kundër Moldavisë (më 18 nëntor).
Shqipëria, në anën tjetër, ka për kundërshtar Kazakistanin (më 15 nëntor) dhe më pas Bjellorusinë (më 18 nëntor).
Vëllazërorja ndërmjet Shqipërisë dhe Kosovës fillon në ora 16:00 dhe zhvillohet pa praninë e tifozëve. /Telegrafi/
