Deputeti Milaim Zeka, është i vetmi i cili ka votuar sot kundër shpërndarjes së parlamentit të Kosovës.
Për Telegrafin, ai ka thënë se arsyeja pse ka votuar kundër është për shkak të pakënaqësive që ka për punën e kësaj Qeverie.
“Kam shprehur protestë për gjendjen kaotike që gjendet vendi e që e ka sjell kjo qeveri”, tha Zeka për Telegrafin. Po ashtu, edhe dy deputetët e PDK-së, Zenun Pajaziti e Ganimtete Musliu, kanë abstenuar në votim.
Kjo mësohet nga publikimi i listës së votave nga faqja zyrtare e Kuvendit të Kosovës, të cilën mund ta gjeni duke klikuar KËTU.
Ndërkohë, sot në një seancë të jashtëzakonshme është shpërndarë legjislatura e VI-të e Kuvendit të Kosovës. Më 89 vota për, 1 kundër dhe 2 abstenime, deputetët e Kuvendit të Kosovës vendosën pro shpërndarjes.
Nga tash vendi edhe zyrtarisht ka shkuar në zgjedhje të parakohshme të cilat duhet të shpallen nga presidenti Hashim Thaçi. /Telegrafi/