Shota Baraliu po vazhdon të jetë ndër personazhet më të komentuara të Big Brother VIP Kosova.
Ndonëse u eliminua javë më parë nga shtëpia e famshme ajo nuk i ka kursyer akuzat edhe ndaj produksionit duke e quajtur të padrejtë largimin e saj nga BBVK.
Baraliu ishte e ftuar së fundmi në emisionin “Big Talk Kosova”, ku tha se edhe pse mori kritika të shumta për sjelljen dhe deklaratat brenda shtëpisë vëmendja e ka bërë më të famshme se kryeministri i Kosovës, Albin Kurti.
“Kur kam dal e kam parë se çfarë ka ndodhur me Shota Baraliun edhe jam gëzuar edhe jam hidhëruar, jam gëzuar që më paskan bërë më të famshme se Albin Kurti, sepse njerëzit paguan mijëra euro për të bërë marketing, mua ma kanë bërë falas për një diçka që nuk kanë qenë shumë të rëndësishme”, tha Shota.
“Jam hidhëruar që nuk kam mundur t’i kthej përgjigje produksionit, është fatale kur flitet çdo gjë për ty dhe ti nuk dëgjon dhe penalizohesh që nuk e ke përball atë person që të iu përgjigjesh”, u shpreh tutje ajo.
Theksojmë që Shota kishte hyrë në konflikt me disa prej banorëve që po vazhdojnë akoma rrugëtimin në shtëpinë e BBVK.
Ndër më të theksuari ishte ai me Xhuli Nurën dhe këngëtaren, Ana Kabashi, me këtë të fundit Shota bëri paqe gjatë ‘Prime’-it të fundit kur iu dha mundësia nga “Vëllai i Madh” që të takonte disa prej banorëve. /Telegrafi/