Xavi Simons mund të largohet nga PSV Eindhoven vetëm pas një viti qëndrim tek kjo skuadër.
Mesfushori ofensivë holandez ka shkëlqyer në vitin e tij të parë dhe ka zgjuar interesimin e skuadrave të mëdha.
The Sun ka raportuar se gjiganti anglez Arsenal ka shprehur interesim për transferimin e tij në afatin kalimtar veror.
Topçinjtë janë duke e monitoruar që një kohë të gjatë yllin e ri holandez dhe në verë pritet të dalin me ofertë zyrtare.
20-vjeçari këtë edicion ka qenë i jashtëzakonshëm ku në 46 ndeshje zyrtare ka realizuar 19 gola dhe ka asistuar në 12 të tjerë.
PSV nuk dëshiron ta humbas yllin e tyre, por një ofertë prej 40 milionë eurove do t’i tundojë shumë ata.
Përveç Arsenalit, interesim për talentin Xavi Simons kanë shfaqur edhe dy skuadrat tjera angleze si Manchester United dhe Liverpool. /Telegrafi/