Lionel Messi dhe Luis Suarez shfaqen për herë të parë në publik pas raportimeve të fundit se ata do të largohen nga Barcelona.
Pas humbjes turpëruese 8-2 nga Bayern Munichu në çerekfinale të Ligës së Kampionëve, Barcelona po përgatitet për një revolucion të madh.
Trajneri Quique Setien është shkarkuar, teksa vendin e tij e ka zënë tekniku holandez Ronald Koeman.
‘Tulipani’ i ka bërë të qartë sulmuesit uruguaian Luis Suarez nëpërmjet një telefonate se nuk llogarit në shërbimet e tij dhe duhet të gjejë një skuadër të re.
Menjëherë pas kësaj ka reaguar Lionel Messi, i cili nëpërmjet një faxi të dërguar në klub ka kërkuar largimin nga Camp Nou.
Por pas këtyre dy vendimeve, shumë lajme janë shkruar rreth të ardhmes së dy sulmuesve kryesorë të Barcelonës.
Messi për herë të parë u shfaq në publik pas kërkesës për largim mbrëmë në orët e veta.
🚨💣¡IMÁGENES EXCLUSIVAS!💣🚨
📹@JuanfeSanzPerez 'CAZÓ' a Luis SUÁREZ y MESSI en BARCELONA. #ElChiringuitoDeMega pic.twitter.com/R7shXXU6G1
— El Chiringuito TV (@elchiringuitotv) August 27, 2020
Ka qenë televizioni spanjoll El Chiringuito që ka raportuar për një takim të dy miqve në njërin nga restaurantet e Barcelonës.
Gjithsesi nuk dihet biseda që është zhvilluar mes dy miqve, por besohet se ajo ka të bëjë me largimin e tyre nga Barcelona.
Të dy futbollistët si Messi ashtu edhe Suarez janë larguar me makina të tyre nga restauranti në Barcelonë. /Telegrafi/