Sulmuesi brazilian, David Neres, është një nga yjet e skuadrës së Ajaxit, që po e befason Evropën.
Ajax ka arritur në gjysmëfinale të Ligës së Kampionëve, duke eliminuar klube si Real Madridi dhe Juventusi.
Pikërisht këta të fundit, menjëherë pas ndeshjes janë ulur me drejtuesit e Ajaxit dhe kanë kërkuar informacione për blerjen e sulmuesit brazilian që në verën që po vije.
Ka qenë pikërisht Neres që i kishte shënuar Juventusit në ndeshjen e parë, nga një solo aksion.
David Neres, o brabo. https://t.co/6hHpB8OlDu
— Sem Clubismo (@SemClubismo_FC) April 10, 2019
Mediat italiane raportojnë se favorit për të blerë Neres, është skuadra e Arsenalit.
Londinezët kanë avancuar në kontaktet si me futbollistin, ashtu edhe me klubin holandez.
Futja e Juventusit në mes mund të bëjë që të rritet më shumë vlera e tij në treg dhe e ardhmja të mendohet edhe një herë nga braziliani. /Telegrafi/