Një nga historitë më të mëdha këtë javë ka qenë mosmarrëveshja diplomatike midis NATO-s dhe Ukrainës e shkaktuar nga sugjerimi i shefit të kabinetit të Jens Stoltenberg, Stian Jenssen, se “Ukraina mund të duhet të heqë dorë nga territoret e saja në këmbim të anëtarësimit në NATO”.
Ukrainasit reaguan me zemërim, duke e quajtur idenë “qesharake”, raporton skynews.
Jenssen u tërhoq nga komentet, duke pranuar se kishte “gabuar”.
Tani shefi i Jenssenit ka peshuar gjërat, duke i dhënë me sa duket zyrtarit të lartë një ‘shuplakë’.
“Janë ukrainasit dhe vetëm ukrainasit, ata që mund të vendosin rreth kushteve për negociata dhe që mund të vendosin në tryezën e bisedimeve se cila është një zgjidhje e pranueshme”, tha Stoltenberg.
Sekretari i Përgjithshëm këmbënguli se “politika e NATO-s është e pandryshuar – ne mbështesim Ukrainën”.
Në samitin më të fundit, vendet anëtare të aleancës më të fuqishme ushtarake në botë njëzëri deklaruan se do ta mbështesin pranimin e ukrainasit pasi ta përfundonte luftën me Ukrainën. /Telegrafi/