Shërbimet ruse të urgjencës kanë thënë se janë gjetur trupat e 10 personave të aeroplanit të rrëzuar Embraer Legacy.
Sipas autoriteteve, në mesin e personave në bord ishte edhe shefi i grupit Wagner, Yevgeny Prigozhin dhe komandanti i tij i dytë Dmitry Utkin – njeriu që i dha emrin grupit mercenar.
Tani fokusi i rastit është tek hetimi se çka e kishte shkaktuar rrëzimin.
Policia ka mbyllur zonën përreth vendit të rrëzimit dhe Autoriteti i Aviacionit Rus ka formuar një komision të posaçëm për ta hetuar atë.
Shumë rusë nuk shprehën habinë kur u bë lajmi i ditur për vdekjen e supozuar të Prigozhinit.
Kur Prigozhin nisi një rebelim të dështuar dy muaj më parë, ai gjithashtu sfidoi autoritetin e vetë presidentit rus Vladimir Putinit. Dhe kjo është diçka që presidenti rus nuk e harron lehtë, raporton BBC. /Telegrafi/