Administrata e presidentit amerikan, Joe Biden njoftoi të martën një paketë shtesë ndihme ushtarake për Ukrainën në një total prej 2.6 miliardë dollarësh.
Paketa përfshin 500 milionë dollarë pajisje për tërheqje, të tilla si municione për Sistemin e Raketave të Artilerisë së Lëvizshmërisë së Lartë (HIMARS) dhe municione shtesë për sistemin e raketave Patriot, predha artilerie dhe mortajash, cisterna me karburant dhe automjete të rikuperimit taktik.
Është ndihma e 35-të e Shteteve të Bashkuara për Ukrainën që nga gushti i vitit 2021, raporton cnn.
Administrata gjithashtu po alokon 2.1 miliardë dollarë nga Fondet e Iniciativës për Sigurinë e Ukrainës, që synojnë të prodhojnë një “paketë të rëndësishme të aftësive të mbrojtjes ajrore”.
Ajo përfshinë radarë të mbikëqyrjes ajrore dhe kamionët kundër-sistemit të aeroplanëve pa pilot me gjuajtës 30mm, si dhe sistemet kundër-armorit Javelin dhe 23 milionë copa municioni armësh të vogla.
Pentagonit përsëriti se SHBA do të vazhdojë të punojë me aleatët e saj për “t’i siguruar Ukrainës aftësi për të përmbushur nevojat e saj të menjëhershme në fushën e betejës dhe kërkesat e saj të ndihmës së sigurisë afatgjata”. /Telegrafi/
