Xherdan Shaqiri beson se Liverpooli është i aftë të shkojë një hap më tej dhe të fitojë Ligën e Kampionëve këtë sezon, teksa pati shumë lëvdata për trajnerin Jurgen Klopp.
Liverpool ishte afër të bënte ëndrrën realitet në sezonin e fundit, por u mposht në finalen e Ligës së Kampionëve në maj nga Real Madridit me rezultat 3-1.
Shaqiri – i cili është transferimi i fundit i Reds, ka luajtur në Evropë me Baselin, Interin dhe Bayern Munichun, ku ai fitoi Ligën e Kampionëve në 2013 dhe gjilanasi ka vendosur synimet ta fitojë trofeun edhe me Liverpoolin.
“Unë shpresoj se mund ta përsëris atë sukses, sepse e di se si ndihet një fitues i Ligës së Kampionëve”, ka thënë fillimisht Shaqiri për Sky Sports News.
“Është vërtet e mahnitshme dhe mendoj se ne mund ta bëjmë atë. Ne kemi cilësi të mira – sidomos me lojtarët e rinj që kanë ardhur – ata kanë cilësi shumë të mira.
“Jam duke shikuar përpara për sezonin e ri dhe shpresoj që në fund të fitojmë tituj”.
“Mendoj se gjëja e rëndësishme është të jesh i suksesshëm dhe të jesh i suksesshëm duhet të fitosh disa tituj dhe trofe, dhe shpresoj se mund të fitojmë disa trofe këtë vit”.
Shaqiri gjithashtu pranoi se Jurgen Klopp ishte një nga arsyet kryesore pse ai nënshkroi me Liverpoolin, pasi u njoh me menaxherin gjerman nga koha e tij në Bundesliga me Borussia Dortmundin.
“Kur dëgjova që klubi më donte mua, dëshiroja të vija sepse e kam njohur atë [Klopp] për një kohë të gjatë. E kam admiruar për një kohë të gjatë dhe jam shumë i lumtur që jam këtu”.
“Jurgen Klopp është një person i madh dhe një karakter i madh me mentalitet fitues dhe kjo është gjëja më e rëndësishme”, përfundoi ylli gjilanas. /Telegrafi/