Shansi i humbur nga Minamino në minutën e 90-të dhe reagimi i Ben White bëhen virale në rrjetet sociale

Takumi Minamino është sulmuar nga tifozët e Liverpoolit dhe është përqeshur nga tifozët tjerë në rrjetet sociale pasi humbi një shans të shënoj në golin e hapur në ndeshjen e parë gjysmëfinale të Carabao Cup kundër Arsenalit.

Liverpooli u ndal në një barazim zhgënjyes 0-0 në Anfield, pavarësisht se luajti kundër 10 lojtarëve në pjesën më të madhe të ndeshjes pasi Granit Xhaka u përjashtua me të kuq pas vetëm 24 minutash.

Skuadra e Jurgen Klopp u përpoq të krijonte raste të qarta pa Mohamed Salah dhe Sadio Mane, të cilët aktualisht janë në detyrë me kombëtaret në Kupën e Kombeve të Afrikës.

Lexo po ashtu Ndërhyu duke shqelmuar Diogo Jotan, Xhaka ndëshkohet direkt me karton të kuq ndaj Liverpoolit

Megjithatë, atyre iu dha një mundësi e artë për të marrë epërsinë krejtësisht në minutën e fundit të ndeshjes.

Ishte portieri i Arsenalit, Aaron Ramsdale, i cili doli në mënyrë të pasigurt nga porta për të larguar një krosim në zonë.

Topi u kthye në mënyrë të favorshme te Minamino, i cili ishte vetëm tetë metra larg me portë të zbrazët, por japonezi goditi fortë mbi traversë.

Tifozët e Liverpoolit, por edhe tifozë tjerë reaguan në rrjetet sociale pas huqjes së Minaminos dhe reagimit epik të mbrojtësit të Arsenalit, Ben Ëhite.

Më poshtë keni disa nga reagimet e tyre në rrjetet sociale. /Telegrafi/