Gazetarët e mediave të ndryshme botërore që janë të “stacionuar” në Kiev nga fillimi i luftës dhe raportojnë për zhvillimet më të fundit në luftën mes ukrainasve dhe rusëve, kanë bërë të ditur se në kryeqytetin e Ukrainës janë dëgjuar sërish shpërthime të fuqishme.
Siç raporton The Guardian, gjatë orëve të para të mëngjesit të sotëm, forcat ruse kanë filluar një valë të re të sulmeve raketore si nga ajri ashtu dhe nga deti, transmeton Telegrafi
Kryetari i Kievit, Vitali Klitschko ka konfirmuar në Telegram se ka pasur “disa shpërthime në kryeqytetin ukrainas”.
Ndryshe muajve të fundit rusët vazhdimisht po godasin infrastrukturën energjetike të Ukrainës, që ka për qëllim t’ua vështirësojë edhe më shumë jetën banorëve në ditët e ftohta të dimrit.
E si pasojë e këtyre sulmeve, kanë mbetur edhe pa ngrohje e ujë të pijshëm. Në anën tjetër, shumë gjeneratorë i janë dhuruar Ukrainës nga vende të ndryshme të botës, për t’ua lehtësuar paksa problemin e mungesës së energjisë elektrike. /Telegrafi/
Loud explosions in central Kyiv
— Oliver Carroll (@olliecarroll) December 29, 2022