Lega Serie A ka miratuar një protokoll të ri për COVID-19 me ndeshjet që do të zhvillohen edhe nëse skuadrat kanë vetëm 13 lojtarë të gatshëm.
Është i njëjti protokoll i miratuar nga UEFA për garat evropiane dhe rregulli i 13 lojtarëve ishte i vlefshëm edhe sezonin e kaluar në Serie A.
Aty thuhet se ndeshjet do të zhvillohen me 13 lojtarë, përfshirë një portier.
Klubet mund të zgjedhin lojtarë nga ekipi i tyre i parë dhe ekipi Primavera me kusht që futbollistët të kenë lindur përpara datës 31 dhjetor 2003 dhe të kenë rezultuar negativ të paktën 24 orë para ndeshjes.
Nëse ata kanë 13 ose më shumë lojtarë në dispozicion dhe nuk paraqiten në lojë, ata do ta humbin ndeshjen me rezultat zyrtar 3-0.
The new covid-19 protocol for Serie A has been introduced, effective today.
If you have 13 players who have tested negative, including a goalkeeper and inclusive of Primavera players, the match will proceed as scheduled. pic.twitter.com/32CTrgaycr
— Italian Football TV (@IFTVofficial) January 6, 2022
Nuk kishte asnjë protokoll për COVID këtë sezon pasi situata në vend dukej se ishte përmirësuar gjatë muajve të fundit, edhe falë një fushate masive vaksinimi.
Megjithatë, një valë e katërt me të ashtuquajturin variant Omicron goditi Italinë në dhjetor dhe pothuajse 90 lojtarë të Serie A janë aktualisht pozitivë me COVID.
Torino, Bologna, Salernitana dhe Udinese janë urdhëruar të futen në karantinë nga autoritetet lokale shëndetësore, por Lega Serie A refuzoi të shtyjë ndeshjet e tyre të cilat do të shpallen të ndërprera pas 45 minutash.
Hellas Verona ka tetë lojtarë pozitivë për COVID, më pak se Bologna dhe Torino, por i është dhënë drita jeshile për të luajtur kundër Spezias sot (e enjte).
Kjo është arsyeja pse drejtori i Interit, Giuseppe Marotta, bëri thirrje për ‘rregulla më të qarta’ si dhe një ndërhyrje nga Ministri i Shëndetësisë, pasi u ndërpre ndeshja ndaj Bolognas, edhe pse Nerazzurrët udhëtuan dhe kryen stërvitjen para ndeshjes. /Telegrafi/