Organizatori i ndeshjes Milan – Ferronikeli, Agron Selimi ka thënë se Milan do të vijë me komplet ekipin, pasi është obligim në bazë të marrëveshjes.
Selimi në “Dueli Sportiv” në RTV Dukagjini ka thënë se Milani tashmë e ka dërgua një listë ku përcjellës të skuadrës do të jenë edhe Maldini, Boban, Baresi etj.
Ai ka thënë se Milan është shumë i kujdesshëm për çdo detaj saqë sipas tij edhe grafikat që kanë bërë në Kosovë, i kanë anuluar duke krijuar grafikat e reja.
Selimi ka thënë se Milan do të paraqitet për herë të parë me dizajnin e ri të fanellave dhe sipas tij me ngjyrat e zeza Milani nuk është paraqitur asnjëherë më parë në histori.
“Luka-një nga drejtorët e Milanit, sot ma tha se ekipi do të paraqitet me fanellave që nuk ka luajtur asnjëherë më parë në histori”, tha Selimi.
Ai tha se Luka bashkë me të sot kanë zhvilluar një vizitë në stadiumin “Fadil Vokrri” dhe ka ngelur i mahnitur nga kushtet e mira që janë bërë në këtë stadium.
Ndeshja do të transmetohet drejtpërdrejtë në RTV Dukagjini nga ora 20:45, por gjatë ditës së shtunë do të ketë mbulim special. /Telegrafi/
