Ish-pjesëtari i Ushtrisë Çlirimtare të Kosovës, Rexhep Selimi është vet-deklaruar i pafajshëm për akuzat që e rëndojnë nga Gjykata Speciale.
“Kam pasur kohë ta shohë aktakuzën dhe ta analizoj. Deklarohem i pafajshëm për të gjitha pikat e aktakuzës”, tha ai.
Selimi po ashtu gjatë fjalimit të tij para Dhomave të Specializuara ka thënë se ai dhe UÇK nuk kanë bërë krime, dhe se lufta për liri ishte e drejtë, transmeton Telegrafi.
“Secili që ka dyshime do të bindet që as unë e as UÇK nuk kemi të bëjmë me krime, e as me ndërmarrje kriminale siç cilësohem. Po kam luftuar kundër Serbisë okupatore, kundër Serbisë që i ka sjellë gjëra të këqija vendimit tim. Vrasje, shfarosje ka bërë Serbia. Unë e kam bërë detyrën time. Luftën për liri e kam nisur me Adem Jasharin, dhe e kemi përfunduar me NATO-n. E kam për detyrë dhe nder të jem në anën e UÇK-së dhe aleatëve tanë. Drejtësia duhet të jetë qëllimi i të gjithë neve”, tha ai gjatë paraqitjes së tij para Dhomave të Specializuara./Telegrafi/
