Selia e korporatës SpaceX po përjeton një shpërthim të rasteve COVID-19, raportoi të hënën The Los Angeles Times.
Sipas mediave të huaja, një informatë e tillë u dha duke cituar të dhëna publike për shpërthimet e COVID-19 të publikuara nga Los Angeles County, përcjell Telegrafi.
Të dhënat treguan se në SpaceX ka një “shpërthim aktiv” me 132 staf të konfirmuar se kanë COVID-19.
Ky është shpërthimi më i madh në listën publike të shpërthimeve në Los Angeles County në mjedise jorezidenciale, e cila përfshin vendet e punës dhe dyqanet e ushqimit dhe shitjes me pakicë.
Duke dokumentet e gjykatës, LA Times raportoi se SpaceX punëson rreth 5,972 staf në selinë e saj në Hawthorne, Kaliforni.
Dhe lajmi vjen ndërsa varianti shumë i transmetueshëm i Omicron po bëhet gjithnjë e më prezent nëpër botë.
Ndërkohë Qendra e SHBA-së për Kontrollin dhe Parandalimin e Sëmundjeve tha të hënën se varianti përbënte 73% të rasteve në vend në javën që përfundoi më 18 dhjetor. /Telegrafi/