Kreu i ASH-së, Ziadin Sela takoi ambasadorin e BE-së, Samuel Zhbogar, ambasadorin e Francës, Christian Thimonier dhe ambasadorin e Gjermanisë, Anke Holstei.
Sipas njoftimit të ASH-së, gjatë këtyre takimeve u diskutua për procesin zgjedhor ku edhe u paraqitën vërejtjet serioze nga ana e kryetarit të ASH-së Ziadin Sela, njofton Telegrafi Maqedoni.
“Më tej u diskutua për procedurat gjyqësore të nisura nga koalicioni Tash është Koha, ankesat e parashtruara në KQZ, Gjykatën Administrative etj, si dhe për protestën e paralajmëruar për ditën e hënë në mbrojtje të demokracisë me moton Zgjedhje PO Vjedhje JO”, thuhet në njoftim.
Më tej shtohet se në këto takime interes i veçantë u tregua edhe rreth përbërjes së ardhshme qeveritare, si dhe rolit faktorizues dhe legjitimit të koalicionit AA.
“Në takim i theksua se demokratizimi i vendit si dhe sfidat në drejtim të antarësimit të vendit në BE me çrast Kryetari Sela i ka informuar ambasadorët se shteti ligjor, integrimi i vendit në BE , zhvillimi ekonomik do të jenë prioritete politike, për t’ju siguruar qytetarëve jetë më të mirë dhe shtet të barabartë për të gjithë”, thuhet në fund të kumtesës së ASH-së./Telegrafi/