Andrea Belotti nuk ka vendosur ende për të ardhmen e tij.
Sulmuesi italian është pjesë e Torinos që nga viti 2015, por kontrata e tij me këtë klub ka skaduar dhe ai ende nuk ka vendosur nëse do të vazhdojë qëndrimin te ‘Granata’.
Torino i ka bërë ofertë për vazhdimin e kontratës, por Belotti po pret dhe po analizon ofertat e tjera.
Football-Italia ka raportuar se Interi po e monitoron situatën e ‘Il Gallos’ dhe është gati t’i bëjë një propozim për një kontratë katër vjeçare.
Neroazzurët po shikojnë mundësinë për afrimin e Belottit me parametra zero pasi objektivi i tyre kryesor Gianluca Scamacca kushton shumë dhe Interi nuk është gati t’i paguajë Sassuolos 40 milionë euro për sulmuesin.
Përveç Interit interesim për Belottin kanë shprehur edhe skuadrat si AC Milan, Monza dhe Napoli.
28-vjeçari sezonin e fundit pati probleme me lëndime ku zhvilloi vetëm 22 ndeshje duke realizuar tetë gola e duke asistuar në një tjetër. /Telegrafi/