Një zyrtar amerikan tha se satelitët amerikanë të spiunazhit detektuan një shpërthim në digën Kakhovka në Kherson, përpara se të kolapsohej.
Zyrtari i paidentifikuar tha se satelitët me sensorë infra të kuqe detektuan një sinjal të nxehtësisë në përputhje me një shpërthim, transmeton Telegrafi.
Ndonëse analistët e inteligjencës amerikane dyshojnë se Rusia qëndron pas shpërthimit të digës, agjencitë amerikane të spiunazhit nuk kanë prova kredibile rreth asaj se kush ishte përgjegjës për shembjen e digës, e cila çoi në përmbytje të mëdha.
Shpërthimi i digës Kakhovka në lumin Dnipro ka bërë që dhjetëra mijëra njerëz të evakuohen. Gjithashtu kishte pasur dëme në toka bujqësore. /Telegrafi/