Maurizio Sarri ka treguar se ku duhet të zhvillohet Juventusi më shumë dhe ku duhet të adaptohen lojtarët në taktikat e tij pas fitores 2-1 ndaj Interit.
Bianconerët fituan ndaj Nerazzurëve në derbin D’Italia për t’u bërë lider të Serie A-së për herë të parë në këtë sezon me 18 pikë.
“Duke u bërë lider, tani do të thotë pak. Gjëja më e rëndësishme në këtë takim ishte se ne luajtëm mirë, treguam karakter dhe vendosmëri kundër një skuadre që kishte fituar të gjitha ndeshjet e para”, ka thënë Sarri.
“Ne e filluam mirë ndeshjen dhe shënuam të parët. Te goli i Gonzalos ndërtuam një aksion me 24 pasime dhe ne jemi skuadër që mund ta bëjmë këtë”.
“Jemi shndërruar në një skuadër që mund të mbrohet mirë, por që duhet të zhvillohemi edhe më shumë dhe të luajë në 100 për qindëshin tonë”, ka shtuar më tej trajneri i Juves.
Zonja e Vjetër është bërë lider i Serie A me 18 pikë, derisa ende nuk ka pësuar humbje, por që ka një barazim. /Telegrafi/