Sulmuesi kilian, Alexis Sanchez pritet të largohet nga Arsenali gjatë afatit kalimtar të janarit.
Kiliani është në vitin e fundit të kontratës me klubin londinez dhe pritet largimi i tij nga ‘Emirates’.
28-vjeçari është objektivi kryesor i Manchester City që po e kërkon me ngulm atë.
Pep Guardiola e vlerëson shumë sulmuesin e Arsenalit dhe e ka kërkuar atë edhe gjatë verës.
City kishte ofruar 60 milionë euro në verë por që u refuzuan nga Arsenali që nuk dëshiroi largimin e tij.
Tani City përsëri do të tentoj transferimin e ish-anëtarit të Barcelonës dhe ka gati 25 milionë euro.
Por sipas medieve angleze, Arsenali është pajtuar me humbjen e lojtarit dhe i ka vendosur edhe çmimin e largimit.
‘The Sun’ shkruan se ‘Topçinjtë’, janë të gatshëm ta lënë të lirë në janar yllin e tyre për një shumë prej 35 milionë euro. /Telegrafi/