Legjenda e Manchester Unitedit, Bryan Robson mendon se ish-skuadrës së tij i nevojitet Alexis Sanchez, pasi është është futbollistë i fortë, me karakter dhe garanton sukses në skuadër.
Sanchez është duke hezituar që të nënshkruaj kontratën e re me Arsenalin dhe po hyn në 12 muajt e fundit me skuadrën londineze.
Sulmuesi kilian po kërkohej me ngulm nga Manchester City dhe Bayern Munich, por tani këto dy skuadra mund ta kenë një rival të fortë në garë për shërbimet e tij.
Është Mancheshter United që është këshilluar nga legjenda e klubit, Robson, i cili ka thënë se kiliani është futbollisti që i duhet skuadrës së Jose Mourinhos.
“Karakteri i tij është i drejtë, ai është një lojtar i fortë, me të vërtetë i aftë, punon me të vërtetë shumë. Ai mund të shënojë gola dhe të krijojë raste”, ka thënë fillimisht Robson për Daily Mirror.
“Kur vendosni të gjitha në një paketë, ai është pikërisht lloji që ne do të donim këtu”, transmeton Telegrafi.
“Mos harroni se ai ka luajtur në një klub si Arsenali, ku duhet të jeni në gjendje të përballoni presionin”.
“Mendoj se ai është 100 për qind i garantuar për të pasur sukses te Unitedi”, përfundoi legjenda e Djajve të Kuq. /Telegrafi/