Sulmuesi egjiptian, Mohamed Salah ka premtuar se do të bëjë gjithçka që mundet për t’u përgatitur për ndeshjet e fundit të Kupës së Kombeve të Afrikës (AFCON).
Yllit egjiptian i mungojnë ndeshjet për vendin e tij gjatë turneut dimëror të mes-sezonit, pasi është rikthyer në Liverpool për rehabilitim pas një dëmtimi të kofshës që pësoi në një ndeshje të fazës së grupeve kundër Ganës.
Ai u kritikua jashtë mase për rikthimin e tij në Angli, me njerëz që shkuan aq larg saqë e cilësuan edhe tradhtar.
Megjithatë, Salah ka shfrytëzuar rrjetet sociale për të reaguar pas disa ditësh kritika, duke treguar se ka filluar programin e rehabilitimin dhe pritet të rikthehet në ndeshjen e fundit nëse Egjipti nuk eliminohet.
“Dje kam filluar programin e trajtimit dhe rehabilitimit dhe do të bëj gjithçka që të jem gati sa më shpejt dhe të rikthehem në kombëtare siç ishte rënë dakord që në fillim”.
“Unë gjithashtu e dua atë [Egjiptin] dhe njerëzit e tij… përpiquni më shumë”, ka shkruar Salah në një postim në platformën X.
Edhe trajneri i Reds, Jurgen Klopp u tha gazetarëve ditën e djeshme se Salah është egjiptiani më besnik që ka njohur dhe kritikat e akuzat ndaj tij janë të pabaza. /Telegrafi/
بدأت امبارح برنامج العلاج والتأهيل وهعمل كل حاجه ممكنه علشان اكون جاهز في اقرب وقت وارجع للمنتخب زي ماكان متفق عليه من البدايه….بردو بحبها وبحب ناسها🇪🇬… حاولو اكتر 😛 pic.twitter.com/FsNsBfY99M
— Mohamed Salah (@MoSalah) January 25, 2024