Mohamed Salah ka thënë se gjithmonë e ka ditur se do të kthehej në Ligën Premier dhe do të arrinte sukses, pas periudhës zhgënjyese që e kaloi te Chelsea.
Egjiptiani ishte transferuar te Blutë në vitin 2014 nga Baseli. Mirëpo, kishte regjistruar vetëm 13 paraqitje në kampionatin anglez nën drejtimin e Jose Mourinhos.
Pastaj fillimisht u huazua te Fiorentina, pastaj te Roma, ku edhe nënshkroi kontratë të përhershme.
Në verën e kaluar, ai u transferua te Liverpooli dhe në sezonin debutues me Redsat ka qenë i jashtëzakonshëm dhe kjo bëri që të shpallej ‘PFA Lojtari i Vitit’ për sezonin 2017/2018.
“E kam menduar që nga dita e parë kur jam larguar nga Liga Premier se do (të vija këtu sërish dhe) do të kisha sukses”.
“Nuk mu dha rasti te Chelsea, prandaj e kisha të qartë në mendjen time se do të kthehesha në Ligën Premier dhe do t’ua tregoja të gjithëve futbollin tim”.
Congratulations to @LFC's Mo Salah, crowned the Men’s PFA Players’ Player of the Year 👏🏆 #PFAAwards pic.twitter.com/fpvxwZgfdP
— Professional Footballers’ Association (@PFA) April 22, 2018
“Jam shumë i lumtur për cmimin, jam shumë i lumtur për bashkëlojtarët e mi për atë që bëjnë në Ligën Premier dhe në Ligën e Kampionëve”, ka deklaruar Salah.
25-vjeçari la pas mesfushorin e Manchester Cityt, Kevin De Bruyne dhe sulmuesin e Tottenham Hotspur, Harry Kane, në garën për më të mirin në futbollin anglez. /Telegrafi/
