Reperi nga Tetova, S4MM, tash e një kohë ka qenë duke punuar në albumin e tij të ri.
Dhe më në fund, për fansat e tij të shumtë i ka prezantuar titujt e shtatë këngëve të këtij albumi që do t’i lansojë nga nesër (e mërkurë).
Në këtë album përfshihen shtatë këngë, të cilat për një javë do të publikohen të gjitha, siç i ka quajtur edhe “Java e legjendës”.
“Shtatë këngë, shtatë ditë/ duke filluar nga nesër”, janë fjalët e tij krahas postimit në Instagram.
“Mirë se vjen”, “Dek i ri”, “Mos um fol”, “E preferume”, “Vizion”, “Gunshots ft Illmill”, “The Best”, titullohen këto projekte të reperit.
Nga ana tjetër, S4MM para një muaji solli këngën “Mamacita” me videoklip, e cila u prit mjaft mirë nga publiku.
Ndërkohë, për albumin e ri reperi mori komente mjaft pozitive nga ndjekësit në rrjetet sociale. /Telegrafi/
