Reperi Fero publikoi së fundmi bashkëpunimin e tij më të ri “KaDeWe”, me reperin gjerman Capital Bra.
Ky i fundit, nuk e ka shpërndarë këngën e re të dyshes në rrjetet sociale, siç rëndom ndodh kur publikohet një projekt i ri muzikor.
Ka mjaftuar ky fakt që reperi tjetër i njohur shqiptar, S4MM, të tallet në rrjetet sociale.
Reperi nga Tetova ka publikuar disa statuse ironizuese në InstaStory, ku shkruante se më mirë s’do e bënte një bashkëpunim të tillë, ku personi tjetër nuk ta promovon aspak.
“Sa keq është kur bën bashkëpunim me dikë dhe ai as nuk e poston siç duhet. Unë për vete nuk ja kisha q* robt, s’e kisha publikuar asnjëherë”, ka shkruar S4MM me ironi në InstaStory.
Por, ai nuk u ndal këtu pasi vetëm disa minuta më vonë publikoi një tjetër shkrim, ku sërish me satirë shkruante kinse Capital Bra e “telefonoi” për t’i kërkuar falje që s’e postoi bashkëpunimin me Feron.
“Më falni për keqkuptimin se tash më thirri ai reperi e më tha: vëlla, isha duke luajtur Sony me Samren e s’munda ta postoj”, shkroi tutje S4MM.
Kundrejt këtyre ironizimeve duket se nuk ka asnjë kundërpërgjigje nga Fero, me të cilin S4MM ka pasur konflikte virtuale që nga fillimi i karrierës. /Telegrafi/