Telegrafi

Rusia po përgatitet për “luftime të afërta” në Kherson, thotë Kievi

Ukraina ka akuzuar Rusinë për plaçkitjen e shtëpive të zbrazëta në qytetin jugor të Khersonit dhe pushtimin e tyre me trupa me veshje civile.

Dhe zyrtarët e Kievit pretendojnë se kjo është pjesë e përgatitjeve për “luftime të afërta” në atë që të dyja palët parashikojnë se do të jetë një nga betejat më të rëndësishme të luftës, përcjell Telegrafi.

Ditët e fundit, Rusia ka urdhëruar që civilët të largohen nga Kherson, një qytet që e ka pushtuar që në fazat e hershme të luftës.

Ndërsa Kievi ka akuzuar Moskën për dëbime të detyruara.

Ndërkohë, kanë filluar të dalin rrëfime për jetën nën pushtimin rus nga ata që kanë arritur të ikin.

Disa flasin për nevojën për të fshehur telefonat e tyre nga trupat dhe për pamundësinë e kontaktit me botën e jashtme.

“Rusët shkonin shtëpi më shtëpi me armë dhe thoshin ‘më lejoni të shoh telefonin tuaj'”, ka thënë një refugjat nga fshati Kachkirivka.

“Më pas e futën në një kovë dhe e çuan në makinën e tyre”.

Rusia ka vendosur ligjin ushtarak dhe ka kufizuar komunikimet në katër rajonet e Ukrainës që i aneksoi ilegalisht në shtator. /Telegrafi/