Në përditësimin e fundit, Instituti amerikan për Studimin e Luftës (ISW) thotë se Moska gradualisht po heq dorë prej rrethimit të qytetit të Bakhmutit.
Kjo do ta shtyjë shefin e Wagnerit, Yevgeny Prigozhin, të shtojë përpjekjet për pushtimin e Soledarit dhe Bakhmutit dhe të ankohet publikisht për mungesën e mbështetjes nga qeveria e Kremlinit.
Rusia dërgoi muajt e kaluar disa tanke T-90 dhe forca ajrore ruse (VDV) në zonë, por që nuk po japin rezultate, raporton skynews.
NEW: Ukrainian forces likely broke through some Russian lines in localized counterattacks near #Bakhmut, prompting responses from #Wagner Group financier Yevgeny #Prigozhin and the Russian Ministry of Defense (MoD).
Latest on #Ukraine w/ @criticalthreats: https://t.co/r7NqfmK8hU pic.twitter.com/FUpQG0CsvO
— Institute for the Study of War (@TheStudyofWar) May 12, 2023
Megjithatë, Prigozhin pretendoi më 24 prill se ministria ruse e Mbrojtjes kishte vendosur vetëm njësi të parregullta dhe të degraduara në Bakhmut.
Por paaftësia e këtyre njësive për të përmbushur edhe këtë mision të kufizuar tregon se krahët ruse në Bakhmut dhe zona të tjera të drejtuara në mënyrë të ngjashme të frontit janë të pambrojtur ndaj kundërsulmeve ukrainase.
Ndryshe, Rusia ka nisur pushtimin e pajustifikueshëm të shtetit ukrainas më 24 shkurt të vitit të kaluar duke shkaktuar mijëra viktima dhe dëme të shumta materiale. /Telegrafi/