Rusia ka lëshuar një urdhërarrest për prokurorin e Gjykatës Ndërkombëtare Penale (GJNP) i cili në mars përgatiti një urdhërarrest për presidentin rus Vladimir Putin ndaj akuzave për krime lufte, njoftuan mediet ruse të premten.
Prokurori britanik, Karim Khan, u shtua në listën e të kërkuarve të Ministrisë së Brendshme, tha agjencia shtetërore e lajmeve TASS, duke cituar bazën e të dhënave të ministrisë, transmeton Telegrafi.
Moska hapi rastet kundër prokurorit Khan dhe tre gjyqtarëve të Gjykatës Ndërkombëtare Penale më 20 mars, disa ditë pas urdhrit për arrestimin e Putinit.
GJNP-ja dhe zyra e saj e prokurorit nuk dhanë ndonjë koment për rastin.
Urdhri i GJNP-s arrestimin e Putinit dhe zyrtares ruse për të drejtat e fëmijëve, Maria Lvova-Belova, ndaj akuzave për krime lufte në lidhje me rrëmbimin e fëmijëve ukrainas.
Rusia nuk ka fshehur një program sipas të cilit ka çuar mijëra fëmijë ukrainas në Rusi, por e paraqet atë si një fushatë humanitare për të mbrojtur të braktisurit në zonën e konfliktit.
Rusia dhe Putini mohojnë kryerjen e krimeve të luftës gjatë asaj që Kremlini e quan operacionin e tij special ushtarak në Ukrainë, duke thënë se ata janë viktima të agresionit dhe gënjeshtrave perëndimore. /Telegrafi/