Rusia dhe Ukraina do të mbajnë një raund të tretë bisedimesh gjatë ditës së hënë.
Negociatori ukrainas, David Arakhamiya përmes një mesazhi në Facebook tha se bisedimet për përfundimin e armiqësive do të rifillonin, por nuk dha detaje të mëtejshme.
Të enjten, të dyja palët ranë dakord të hapin korridoret humanitare për të lejuar civilët të dalin nga disa zona luftimi.
Megjithatë, gjatë ditës së sotme ukrainasit kanë thënë se nuk do të ketë evakuime të civilëve pasi kanë vazhduar bombardimet ruse.
Theksojmë se gjatë javës së kaluar janë arritur dy prej tre marrëveshjeve që ishin në tavolinën e bisedimeve që u zhvilluan në afërsi të kufirit ukrainaso-bjelloruse.
Ndryshe, një marrëveshje për armëpushim dhe të ndërprerjes së luftës nuk është arritur mes palëve. /Telegrafi/
⚡️⚡️⚡️🇷🇺🇧🇾🇺🇦Second round of Russia-Ukraine talks kick off in Belarus pic.twitter.com/xqfyrZ5gs1
— Belarus MFA 🇧🇾 (@BelarusMFA) March 3, 2022