Rusia ka bombarduar aksidentalisht territorin e saj për herë të katërt brenda një muaji, sipas ministrisë britanike të Mbrojtjes, duke thënë se arsyeja e kësaj mund të jetë “lodhja” e trupave dhe trajnimi i dobët i ushtarëve rusë.
Sipas analizave, një aeroport rus kishte lëshuar aksidentalisht dy bomba në fshatrat e zonës së Belgorodit, transmeton Telegrafi.
⚡️British intelligence points out that over the past month, cases of Russian aircraft dropping bombs on its territory have become more frequent. pic.twitter.com/e3lP1nPN91
— KyivPost (@KyivPost) January 30, 2024
Njëri përfundoi në një fermë, derisa aeroplani tjetër në një rrugë urbane dhe nxiti evakuimin e 150 civilëve.
Si rrjedhojë, sipas autoriteteve britanike ky ishte gabimi i katërt i këtij lloji në territorin e saj këtë muaj dhe i pesti në një vit.
Megjithatë, mbetet e paqartë nëse ishte për shkak të procedurave të dobëta para ose gjatë misioneve.
“Mund të jetë kombinim i të dyjave”, thuhet në deklaratën e tyre.
“Frekuenca në rritje e këtyre dukurive ka gjasa të demonstrojë një shkallë të lodhjes së ekuipazhit ajror dhe tokësor brenda vijës së frontit rus, si dhe ekspozimin e trajnimit joadekuat”, shtoi tutje ministria britanike e Mbrojtjes.
Ndryshe, janë bërë pothuajse dy vjet prej kur ka filluar konflikti mes Rusisë dhe Ukrainës. Deri më tani nuk ka pasur avancime të dukshme nga asnjëra palë e luftimeve. /Telegrafi/