Një shtetas rus që u përpoq të bashkohej me forcat e armatosura të Ukrainës është arrestuar dhe u dërgua në burg.
Banori i Abakan, i cili ndodhet në Republikën e Khakassia, u ndalua nga oficerët në aeroportin Krasnoyarsk në Siberi.
Ai tani përballet me 12-20 vjet burg për akuzat e “tentativës për tradhti”, raporton skynews.
Një deklaratë e lëshuar nga zyra e shtypit e FSB-së thoshte se “Shërbimi federal i sigurisë ka arrestuar një banor të Abakan në Republikën e Khakassia, i dyshuar për tentativë tradhtie”.
“Gjatë veprimeve operative-kërkuese, u konstatua se i arrestuari mori iniciativën për të kaluar në anën e armikut dhe për t’u bashkuar me forcat e armatosura të Ukrainës për të marrë pjesë në përbërjen e tyre në armiqësi. Për ta bërë këtë, ai kreu akte vandalizmi ndaj ndërtesave administrative të autoriteteve rajonale”, shkruan në njoftim.
Deklarata vazhdoi duke thënë se “Kur u përpoq të largohej përmes territorit të një prej vendeve të Komonuelthit të Shteteve të Pavarura në Ukrainë për t’u bashkuar me forcat e armatosura të Ukrainës, ai u ndalua në aeroportin Krasnoyarsk”.
Ndryshe, Rusia ka nisur pushtimin e pajustifikueshëm shtetin ukrainas më 24 shkurt duke shkaktuar viktima dhe dëme materiale. /Telegrafi/