Ushtria ukrainase po vazhdon të jetë “arrë e fortë” për ushtrinë ruse të Vladimir Putinit.
Ata çdo ditë po korrin suksese në fushëbetejë, e këtë më së miri e dëshmon videoja e fundit e filmuar nga ajri, transmeton Telegrafi.
Në një zonë të gjelbëruar një sistem artilerik i rusëve ishte kamufluar nën pemë, duke menduar se nuk do ta lokalizojnë ukrainasit.
Por në momentin që predha filloi të fluturojë, ushtarët që ishin pranë sistemit artilerik fillojnë të vrapojnë për t’i ikur.
Megjithatë një veprim i tillë ishte i vonuar, pasi gjithçka përreth u bë shkrumb e hi.
Shpërthimi ishte aq i fuqishëm, sa që për disa sekonda nuk është parë asgjë nga tymi i zi që u ngrit në qiell. /Telegrafi/
