Antonio Rudiger po përdor pagën e tij te Gjermania për ndeshjet që i luan në Kupën e Botës për të financuar operacionin për fëmijët me aftësi të kufizuara në Sierra Leone.
Ish-mbrojtësi i Chelseat po financon të gjitha operacionet për të ndryshuar jetën për 11 fëmijë në vendin e nënës së tij.
“Është e dhembshme të shohësh rrethanat në të cilat fëmijët në Sierra Leone po rriten. Për fat të keq, asgjë nuk mund të merret si e mirëqenë për këta fëmijë”, ka deklaruar mbrojtësi 298-vjeçar.
“Në Gjermani më janë dhënë mundësitë që shumë njerëzve në Sierra Leone u mohohen. Unë jam mirënjohës për këto mundësi dhe vlerësoj jashtëzakonisht situatën e privilegjuar në të cilën ndodhem”.
“Të ndihmosh këtu është një çështje nderi për mua. Do të doja të zbatoja shumë projekte të tjera në Sierra Leone me familjen time në të ardhmen”, ka potencuar më tej ai.
Fëmijët vuajnë kryesisht nga sëmundjet që u janë paraqitur që nga momenti i lindjes, ku ata lindin me anomali.
Nëse nuk trajtohen, pacientët do të liheshin me paterica për pjesën tjetër të jetës së tyre, megjithëse operacioni është i shtrenjtë në Afrikën Perëndimore.
Fëmijët janë nga një qytet i quajtur Lunsar në Sierra Leone. Rudiger, i cili është pjesë e skuadrës së Gjermanisë për Kupën e Botës në Katar, ka lindur në Berlin, derisa nëna e tij vije nga Sierra Leone. /Telegrafi/